صفيحة بالخضرة

  31 أوت 2016 - 11:17   قرئ 721 مرة   مطبخ

صفيحة بالخضرة

المقادير

5 كاسات طحين منخول اكتر او اقل شوي حسب نوع الطحين

معلقة صغيرة خميرة

معلقتين كبار سكر او فنجان قطر

رشة ملح

فنجان زيت

0.5 كاسة لبن

0.5 كاسة حليب سائل

كاسة ماء

مقادير اللحمة بالخضرة:

0.5 كيلو لحمة مدهنة

بصلتين وسط مفرومات ناعم

رشة ملح

رشة بهارات

2 حبة كبيرة بندورة

ضمة بقدونس

معلقة دبس فليفلة

معلقة دبس بندورة

فليفلة على حسب الرغبة حد او بارد

طريقة التحضير

اول شي منحط السكر او القطر والخميرة مع الماء ومنحرك منيح ليدوب السكر والخميرة بالماء بعدها نضع اللبن والحليب السائل و2 كاسة طحين ومنحركهم منيح بالمشبك اليدوي ونتركها لمدة ربع ساعة تتخمر.

بعدها نضع فنجان زيت ونخلطه مع المواد السابقة.

ثم نضع 3 كاسات طحين والملح ومنعجن منيح لتصير عنا عجينة ناعمة منتركها تتخمر ساعة وبعدها منبلش شغل فيها.

تقطع العجينة الى 5 قطع كبيرة ونأخذ قطعة ونترك الباقي يرتاح.

نمد القطعة بحجم كبير ثم تقطع بشي مدور او بغطاء ابريق شاي .

ثم نصف القطع الدائرية في صينية واذا ماكانت الصواني تيفال يفضل وضع قصدير ومسحة بقليل من الزيت.

لعمل الحشوة: نضع المكونات على المكسر ونفرمهون، اول الشي نضع التوم والبصل بعدها البقدونس ثم الفليفلة ثم البندورة والبهارات والملح ودبس الفليفلة ودبس البندورة، بعد ما نفرمهون يفضل نصفيهم بمصفاية لانو الخضرة بطلع منها ماء وممكن تأثر على العجينة اثناء الخبز.

نضع اللحمة على العجينة وندخل الصينية الفرن المحمى مسبقا على درجة حرارة 160 بس تتحمر من تحت منخفف درجة الحرارة من تحت او منطفي حسب نوع فرنك ونشعل من فوق .

 

وعند احمرار الصفيحة شوي صغيرة من فوق نخرجها من الفرن ومنغطيها مباشرة بفوطة لتحافظ على طراوتها.



المزيد من مطبخ