كبسة لحم بطريقة جديدة

  13 سبتمبر 2016 - 14:37   قرئ 3506 مرة   مطبخ

كبسة لحم بطريقة جديدة

المقادير

2 كيلو لحم

6 كاسات ارز

3 حبات بصل مفروم

4 فصوص ثوم مهروسين

بهارات اللحم

هيل+ قرفة+ قرنفل

6 حبات بطاطس كبيرة

ملح

طريقة التحضير

بتغسلي اللحم كويس وبتقسميه نصفين.. نصف اغليه بموية لحتئ يستوي.. وبعدين صفيه من الموية وحطيله ملح وفلفل اسود مطحون وحطيه بالفرن.. ولعي فوق لمدة عشر دقايق وبيكون مستوي

النصف التاني بيكون للكبسة.. بس مش لازم تعملي نوعين لحمة بيكتفي تعملي لحمة للكبسة فقط

بطنجرة كبيرة بتحطي زيت وبتحطي البصل.. بتخلي البصل يحترق.. بس كل شوي حركيه عشان يصير لون واحد.. وما تستغربو لما قلت يحترق.. كتير ناس بتقول كيف بيصير الطعم.. انا قلت هالشي ولما جربت صارت اكتر الوصفات اللي بعملها

لما بيحترق البصل حطي مويه لحتئ يغطي البصل وبتحطي اللحمة مرتبه.. وبتحطي البطاطس والملح والبهارات والهيل والثوم وبتغطيه

كل عشر دقايق.. تفقديه ولو نقصت الموية زودي شوي لحتئ تستوي اللحمة كويس وما تحترق

لما تستوي اللحمة.. حطي نصف الرز وحطي موية لحتئ يتغطئ الرز وخلي النار ارفع لما يبدا يغلي وطي النار وغطيه لحتئ تنشف مويته ولاتنسي الملح.. والنصف التاني اغليه بموية وحطيله ملح وقرفه وقرنفل وخليه نصف استواء بعدين شيلي الموية منه وحطيه فوق الكبسة.. بتجيبي وعاء معدن وبتحطي شويه زيت فيه وحطيه فوق الرز.. وبتكون معاكي جمرة والعه.. بتحطي الجمره بالوعاء وبتغطيه ع طول.. خلي الكبسة نصف ساعه ع نار هادية..

اللحمة اللي غليتيها وحمرتيها بالفرن حطيها فوق الكبسة ومثل ما قلنا مش ضروري تعملي هالخطوة بتكتفي تعمل اللحمة وسط الكبسة

 

ملاحظة : اول ماتنشف موية الرز اللي بالكبسة تكوني بتحطي الرز اللي غليتيه لحاله



المزيد من مطبخ